ராசிபுரம்: ராசிபுரம் அடுத்த ஏ.கே.சமுத்திரத்தை சேர்ந்தவர் ராமசாமி, 65; இவரது தோட்டத்தில் வையப்பமலையை சேர்ந்த ரவி, 46, வேலை செய்து வருகிறார். ரவி வழக்கம்போல், நேற்று காலை வேலைக்கு சென்றார். தோட்டத்தில் உள்ள தென்னை மரத்தில் இளநீர் பறிக்க மேலே ஏறியுள்ளார். அப்போது ரவியை குளவிகள் கொட்டியுள்ளன. இதனால் மரத்திலேயே மயங்கி கிடந்துள்ளார். நீண்ட நேரமாகியும் ரவியை காணாததால் தேடிப்பார்த்துள்ளனர்.