மகா சங்கடஹர சதுர்த்தியையொட்டி, நாமக்கல் - பரமத்தி சாலை, எஸ்.பி., புதுார் செல்வ விநாயகர் கோவிலில், நேற்று சிறப்பு பூஜை நடந்தது. மாலை, 7:00 மணிக்கு விநாயகருக்கு தேங்காய், அருகம்புல், வெள்ளை எருக்கம் உள்ளிட்டவைகளால் சிறப்பு அலங்காரம் செய்யப்பட்டு, மகா தீபாராதனை காட்டப்பட்டது.

இதேபோல், நாமக்கல் கடைவீதி சக்தி விநாயகர் கோவில், நாமக்கல் - திருச்செங்கோடு சாலை, ஓம் சக்தி விநாயகர் கோவில், நாமக்கல் - மோகனுார் சாலை, ஐயப்பன் கோவில் வளாகத்தில் அமைந்துள்ள வல்லப விநாயகருக்கு அபிஷேகம், சிறப்பு அலங்காரம் செய்யப்பட்டு, தீபாராதனை காண்பிக்கப்பட்டது. ஏராளமான பக்தர்கள் சுவாமி தரிசனம் செய்தனர்.