பள்ளிப்பாளையம்:பள்ளிப்பாளையம் அருகே, ஓடப்பள்ளி பகுதியில், இன்று காலை, 10:00 மணி முதல் மண், தண்ணீர் பரிசோதனை முகாம் நடக்கிறது. மண் மற்றும் தண்ணீர் பரிசோதனை ஆய்வுக்கு, தலா, 30 ரூபாய் செலுத்த வேண்டும். மண், தண்ணீர் பரிசோதனை செய்வதால், விவசாயிகள் தங்களது விளை நிலங்களில் உள்ள சத்துகளின் அளவை தெரிந்துகொண்டு, அதற்கேற்றவாறு உரமிட வேண்டும். பரிசோதனைக்கு வரும்போது, விவசாயிகளும் மண், தண்ணீர் மாதிரிகளை எடுத்து வந்து கொடுத்து பயன்படுத்திக் கொள்ளலாம். இதற்கான ஏற்பாடுகளை பள்ளிப்பாளையம் வட்டார வேளாண்மை துறை அதிகாரிகள் செய்துள்ளனர்.