நாமக்கல்:நாமக்கல் -- திருச்செங்கோடு சாலையில், வேளாண் உற்பத்தியாளர்கள் கூட்டுறவு விற்பனை சங்கம் செயல்படுகிறது. இங்கு வாரந்தோறும் செவ்வாய்கிழமை பருத்தி ஏலம் நடக்கிறது. நேற்று நடந்த ஏலத்திற்கு, பல்வேறு மாவட்டங்களை சேர்ந்த விவசாயிகள், 1,800 மூட்டை பருத்தியை விற்பனைக்கு கொண்டு வந்தனர். அதில், ஆர்.சி.ஹெச்., ரக பருத்தி குவிண்டால், 7,409 ரூபாய் முதல், 8,490 ரூபாய்; கொட்டு மட்ட ரகம், 4,109 ரூபாய் முதல், 4,419 ரூபாய் என, மொத்தம், 45 லட்சம் ரூபாய்க்கு விற்பனையானது.