செங்கல்பட்டு மாவட்டம், ஒத்திவாக்கத்தில் உள்ள தமிழக அதி-ரடிப்படை துப்பாக்கி சுடும் பயிற்சி மைதானத்தில், அகில இந்-திய அளவிலான மகளிர் போலீசாருக்கான துப்பாக்கி சுடும் போட்டி, நான்கு நாட்கள் நடந்தது. தமிழகம், கேரளா, ஆந்திரா, கர்நாடகா, புதுச்சேரி உள்பட பல்வேறு மாநிலங்கள், யூனியன் பிரதேசங்களில் இருந்து, 30 அணிகளை சேர்ந்த, 450க்கும் மேற்-பட்ட வீராங்கனையர் பங்கேற்றனர்.

அதில், நாமக்கல் ஆயுதப்படை வீராங்கனை கீதா, நான்கு வகையான துப்பாக்கி சுடும் போட்டியில் வெற்றி பெற்று, ஒட்டு மொத்த முதல் பரிசு பெற்று சாதனை படைத்தார். வெற்றி பெற்ற ஆயுதப்படை போலீஸ் கீதாவை, நாமக்கல் எஸ்.பி., ராஜேஷ்-கண்ணன் பாராட்டி, நினைவு பரிசு வழங்கினார். டி.எஸ்.பி., ஆனந்தராஜ், ஆயுதப்படை டி.எஸ்.பி., இளங்கோவன், இன்ஸ்-பெக்டர் சக்தி உள்பட பலர் பங்கேற்றனர்.