ப.வேலுார்:ப.வேலுார் போலீஸ் நிலைய சப்-டிவிஷனுக்கு உட்பட்ட ப.வேலுார், ஜேடர்பாளையம், நல்லுார், பரமத்தி, வேலகவுண்டம்பட்டி, ப.வேலுார் மகளிர் போலீஸ் ஸ்டேஷன் மற்றும் போக்குவரத்து போலீஸ் நிலையம் உட்பட, 7 போலீஸ் ஸ்டேஷன்கள் செயல்பட்டு வருகின்றன. இங்கு பணிபுரியும் இன்ஸ்பெக்டர், எஸ்.ஐ., மற்றும் போலீஸ் உள்ளிட்ட, 100-க்கும் மேற்பட்டோர் பணியாற்றி வருகின்றனர். இவர்கள், 24 மணி நேரமும் பணியில் ஈடுபட்டு வருவதாலும், அதிக பணிச்சுமை மற்றும் மன உளைச்சல் காரணமாக மனதளவிலும், உடலளவிலும் ஏற்படும் சோர்வை போக்கும் வகையில், நேற்று காலை ப.வேலுார் தனியார் பள்ளி மைதானத்தில், சிறப்பு யோகா, தியான பயிற்சி வகுப்பு, ப.வேலுார் டி.எஸ்.பி., சங்கீதா தலைமையில் நடந்தது.