ADDED : மே 20, 2026 04:55 AM

அ நிறம் | அளவு
வெண்ணந்துார்:வெண்ணந்துார் ஒன்றியம், ஆர்.புதுப்பாளையத்தில் சமயபுரத்து மாரியம்மன் கோவில் உள்ளது. இக்கோவிலில், ஆண்டுதோறும் வைகாசி மாதம் திருவிழா நடப்பது வழக்கம். இந்தாண்டுக்கான திருவிழா, நேற்று பூச்சாட்டுதலுடன் தொடங்கியது.
இன்று காலை, 6:00 மணிக்கு சக்தி கரகம், பால்குடம், முளைப்பாரி ஊர்வலம் நடக்கிறது. காலை, 10:00 மணிக்கு அன்னதானம், மாலை, 4:00 மணிக்கு திருத்தேர் பவானி நடக்கிறது. இரவு, 7:00 மணிக்கு சமயபுரத்தாள் பிறப்பு என்னும் தெருக்கூத்து நடக்கிறது. 21 இரவு, 7:00 மணிக்கு அம்மன் சிறப்பு அலங்காரத்தில் ஊர்வலம், பூங்கரகம் எடுத்து வரும் நிகழ்ச்சி நடக்கிறது. 22ல் மஞ்சள் நீராடல் மற்றும் அம்மன் ஊர் பவனி நடைபெற உள்ளது.
