நாமக்கல்: நாமக்கல் கலெக்டர் உமா வெளியிட்ட அறிக்கை: வரும், 11ல் வள்ளலார் நினைவு தினத்தை முன்னிட்டு, அன்றைய தினத்தில் இந்திய தயாரிப்பு அயல்நாட்டு மதுபான சில்லறை விற்பனை கடைகள், மதுக்கூடங்கள், உரிம வளாகங்களை மூட வேண்டும் என, தமிழக அரசால் உத்தரவிடப்பட்டுள்ளது. அரசு உத்தரவுப்படி, வரும், 11ல், வள்ளலார் நினைவு தினத்தை முன்னிட்டு, நாமக்கல் மாவட்டத்தில் உள்ள அனைத்து இந்திய தயாரிப்பு அயல் நாட்டு மதுபான சில்லறை விற்பனை கடைகள், மதுக்கூடங்கள் மற்றும் உரிம வளாகங்கள் மூட வேண்டும். இந்த உத்தரவை மீறி திறந்தாலோ, மறைமுகமாக விற்பனை செய்தாலோ சம்பந்தப்பட்டவர்கள் மீது கடும் நடவடிக்கை எடுக்கப்படும். இவ்வாறு அதில் கூறப்பட்டுள்ளது.