லோக்சபா தேர்தல் தேதி கடந்த, 16ல் அறிவிக்கப்பட்டதையடுத்து, தேர்தல் நடத்தை விதிமுறைகள் அமலுக்கு வந்துள்ளது. இதனால், மாவட்டம் முழுவதும் உரிமம் பெற்று துப்பாக்கி வைத்துள்ளவர்கள், அந்தந்த போலீஸ் ஸ்டேஷனில் ஒப்படைக்க வேண்டும் என, தேர்தல் நடத்தும் அலுவலர் உமா உத்தரவிட்டிருந்தார்.

இதையடுத்து, கொல்லிமலையில் உரிமம் பெற்று வைத்திருந்த, 63 துப்பாக்கி, சேந்தமங்கலத்தில் 40, புதுச்சந்திரம் 19, எருமப்பட்டியில், 8 என, நான்கு போலீஸ் ஸ்டேஷன்களிலும், 130 துப்பாக்கிகளை உரிமையாளர்கள் போலீஸ் ஸ்டேஷனில் ஒப்படைத்துள்ளனர்.