மல்லசமுத்திரம் டி.சி.எம்.எஸ்.,சில் வாரந்தோறும் வெள்ளிக்கிழமை தேங்காய் பருப்பு ஏலம் நடக்கிறது.

அதன்படி, நேற்று நடந்த ஏலத்தில் பீமரப்பட்டி, வையப்பலை, மரப்பரை, கருங்கல்பட்டி அக்ரஹாரம், மாமரப்பட்டி, மேல்முகம், காளிப்பட்டி உள்ளிட்ட பகுதிகளை சேர்ந்த விவசாயிகள், 60 கிலோ எடைகொண்ட, 35 மூட்டை கொப்பரை தேங்காயை விவசாயிகள் விற்பனைக்கு கொண்டு வந்திருந்தனர்.

இதில், முதல் தரம் கிலோ, 126.70 ரூபாய் முதல், 142.35 ரூபாய், இரண்டாம் தரம், 96.70 ரூபாய் முதல், 108.30 ரூபாய் என, மொத்தம், 1.80 லட்சம் ரூபாய்க்கு ஏலம் நடந்தது. அடுத்த ஏலம் வரும், 28ல் நடக்கிறது.