தேசிய முட்டை ஒருங்கிணைப்புக்குழு (என்இசிசி) தினமும் பண்ணைகளில் ரொக்க விற்பனைக்கு, முட்டை விலையை அறிவித்து வருகிறது. கடந்த மாதம், 28ம் தேதி ஒரு முட்டை விலை, 410 காசுகளாக இருந்தது. தினமும், 10 காசு, 20 காசு என உயர்ந்து வந்தது நேற்று முன்தினம், 525 காசுகளாக இருந்த முட்டை விலை நேற்று மீண்டும், 10 காசுகள் உயர்ந்து, 535 காசுகளாக நிர்ணயிக்கப்பட்டது. இதையடுத்து, 12 நாட்களில், 125 காசு உயர்ந்துள்ளதால் பண்ணையாளர்கள் உற்சாகம் அடைந்துள்ளனர்.முக்கிய நகரங்களில் ஒரு முட்டையின் விலை (காசுகளில்) : சென்னை, 580, பர்வாலா, 505, பெங்களூரு, 565, டெல்லி, 490, ஐதராபாத், 490, மும்பை, 545, மைசூரு, 570, விஜயவாடா, 485, ஹொஸ்பேட், 520, கோல்கட்டா, 560.