பிரேத பரிசோத-னையில் அவர் பாலியல் துன்புறுத்தலால் உயிரிழந்ததாக தெரிய-வந்துள்ளது. இந்த சம்பவத்தை கண்டித்து, நாடு முழுதும் உள்ள அரசு டாக்டர்கள் மற்றும் இந்திய மருத்துவ சங்க டாக்டர்கள் கடும் எதிர்ப்பு தெரிவித்து, கொலையில் சம்பந்தப்பட்ட நபர்-களை உடனடியாக கைது செய்ய வலியுறுத்தினர்.பெண் பயிற்சி மருத்துவர் கொலைக்கு காரணமானவர்களை கைது செய்யக்கோரி, டில்லியில் உள்ள எய்ம்ஸ் மருத்துவமனை உட்பட நாடு முழுவதும், டாக்டர்கள் போராட்டத்தில் இறங்கி-யுள்ளனர். தமிழக அரசு மருத்துவர்கள் சங்கமும் இந்த போராட்-டத்திற்கு ஆதரவு தெரிவித்துள்ளது. ஏற்கனவே, பல்வேறு மாவட்-டங்களில் அரசு டாக்டர்கள் கறுப்பு பேட்ஜ் அணிந்தும், மெழுகு-வர்த்தி ஏந்தியும், மொபைல் போன் லைட் அடித்தும், மவுன ஊர்-வலம் நடத்தியும் ஆர்ப்பாட்டத்தில் ஈடுபட்டனர்.இந்நிலையில், தமிழகம் முழுதும் அரசு டாக்டர்கள் நேற்று வேலை நிறுத்த போராட்டத்தை அறிவித்திருந்தனர். அதன்படி, நாமக்கல் மாவட்டத்தில் உள்ள அனைத்து அரசு மருத்துவம-னைகள், ஆரம்ப சுகாதார நிலையங்களில் புற நோயாளிகள் பிரிவு, நேற்று காலை, 7:30 முதல், 8:30 மணி வரை செயல்பட-வில்லை. அதனால், சிகிச்சைக்கு வந்த நோயாளிகள் அவதிக்குள்-ளாகினர்.* இதேபோல் ராசிபுரம் அரசு மருத்துவமனை டாக்டர்கள் வேலை நிறுத்த போராட்டத்தில் ஈடுபட்டனர். தொடர்ந்து உயிரி-ழந்த மாணவிக்கு நீதிக்கேட்டு ஆர்ப்பாட்டத்தில் ஈடுபட்டனர்.ராசிபுரம் சுற்றுவட்டார பகுதியில் உள்ள தனியார் ஆஸ்பத்திரி-யிலும் டாக்டர்கள் வேலை நிறுத்த போராட்டத்தில் ஈடுபட்டனர். அவசர சிகிச்சை மற்றும் உள் நோயாளிகளுக்கு மட்டுமே சிகிச்சை அளித்தனர்.