குமாரபாளையம் மற்றும் அதன் சுற்றுப்புற பகுதிகளில், நேற்று வெயிலின் தாக்கத்தால் மக்கள் வெளியே வராமல் வீட்டுக்குள் முடங்கி கிடந்தனர். இந்நிலையில், காவேரி நகர், சின்னப்பநாயக்கன்பாளையம், எம்.ஜி.ஆர்., நகர், குப்பாண்டபாளையம், தட்டான் குட்டை, எதிர்மேடு, வளையக்காரனுார் உள்ளிட்ட பகுதிகளில், மாலை, 3:00 மணியளவில் திடீரென கனமழை பெய்தது.

இந்த மழை, 2 மணி நேரம் வெளுத்து கட்டியதால், சாலைகளில் மழைநீர் வெள்ளம் பெருக்கெடுத்து ஓடியது. கோடை வெயிலின் தாக்கம் குறைந்து, குளிர்ச்சி நிலவியதால் மக்கள் மகிழ்ச்சியடைந்தனர். மழையின் காரணமாக ஒரு மணி நேரம் மின்தடை ஏற்பட்டது.