மது விற்ற 3 பேர் கைது

குமாரபாளையம்: குமாரபாளையம் பகுதியில் சட்டத்துக்கு விரோதமாக மது விற்பதாக போலீசாருக்கு தகவல் கிடைத்தது. இதையடுத்து, இன்ஸ்பெக்டர் ராமகிருஷ்ணன் உள்ளிட்ட போலீசார், சின்னப்பநாயக்கன்பாளையம், ராஜராஜன் நகர் பகுதியில் ரோந்து பணியில் ஈடுபட்டனர். அப்போது, அங்கு மது விற்றுக்கொண்டிருந்த கணேசன், 40, செல்வம், 41, ஆகிய இருவரையும் கைது செய்தனர். இவர்களிடமிருந்து, தலா, 15 மது பாட்டில்கள் பறிமுதல் செய்யப்பட்டன.

அதேபோல், பள்ளிப்பாளையம் அருகே, கோவிந்தம்பாளையம் ரயில்வே கேட் பகுதியில் மது விற்றுக்கொண்டிருந்த பிரகாஷ், 37, என்பவரை கைது செய்த, போலீசார், 15 மது பாட்டில்களை பறிமுதல் செய்தனர்.