ADDED : மார் 26, 2026 05:36 AM
அ நிறம் | அளவு
நாமக்கல், நாமக்கல் மாநகராட்சி கமிஷனர் சிவகுமார் உத்தரவுப்படி, நாமக்கல் ஆஞ்சநேயர் கோவில் பகுதிகளில், 100 சதவீதம் ஓட்டுப்பதிவை வலியுறுத்தி, பொது மக்களுக்கான விழிப்புணர்வு நிகழ்ச்சி நடந்தது.
ஏராளமான பொதுமக்கள் கலந்துகொண்டு, 'சட்டசபை தேர்தலில் அனைவரும் தவறாமல், 100 சதவீதம் ஓட்டுபோடுவோம்' என, உறுதிமொழியேற்றனர்.
தொடர்ந்து, ஓட்டுப்போடுவதன் அவசியம் குறித்து, பொதுமக்களுக்கு விழிப்புணர்வு துண்டு பிரசுரம் வினியோகம் செய்யப்பட்டது. மாநகராட்சி சுகாதார அலுவலர் திருமூர்த்தி, ஆய்வாளர்கள் செல்வகுமார், ஜான், நந்தினி, அலுவலர்கள் உள்பட பலர் பங்கேற்றனர்.
