மல்லசமுத்திரம்:திருச்செங்கோடு வேளாண்மை உற்பத்தியாளர்கள் கூட்டுறவு விற்பனை சங்கத்தின், மல்லசமுத்திரம் கிளையில் வாரந்தோறும் புதன்கிழமை பருத்தி ஏலம் நடக்கிறது. அதன்படி, நேற்று நடந்த ஏலத்தில் மாமரப்பட்டி, மேல்முகம், கீழ்முகம், மங்களம், காளிப்பட்டி, பள்ளக்குழி அக்ரஹாரம், பருத்திப்பள்ளி, ராமாபுரம் உள்ளிட்ட பகுதியை சேர்ந்த விவசாயிகள், 60 கிலோ எடைகொண்ட, 502 மூட்டைகளை விற்பனைக்கு கொண்டு வந்திருந்தனர். இதில், பி.டி., ரகம் குவிண்டால், 7,379 ரூபாய் முதல், 8,160 ரூபாய், கொட்டு பருத்தி, 3,999 ரூபாய் முதல், 5,599 ரூபாய் என, மொத்தம், 10.50 லட்சம் ரூபாய்க்கு பருத்தி விற்பனையானது.