குமாரபாளையம் :குமாரபாளையம் ராயல் இன்டர்நேஷனல் சி.பி.எஸ்.இ., பள்ளியின், 17ம் ஆண்டு விளையாட்டு விழா, தாளாளர் அன்பழகன் தலைமையில் கொண்டாடப்பட்டது. சிறப்பு விருந்தினராக டாக்டர் ஜெயக்குமார் பங்கேற்று, தேசிய கொடியை ஏற்றி வைத்து விழாவை துவக்கி வைத்தார். மாணவ, மாணவியர் அணிவகுப்பு நிகழ்த்தி, சிறப்பு விருந்தினரை வரவேற்றனர். மேலும், ஒலிம்பிக் தீபம் ஏந்தி வந்து, சிறப்பு விருந்தினரிடம் ஒப்படைத்தனர். மாணவர்களின் தனித்திறமையை வெளிப்படுத்தும் வகையில் யோகா மற்றும் கலை நிகழ்ச்சிகள் நடத்தப்பட்டன.