நாமக்கல்: நாமக்கல் மாவட்டத்தில் உள்ள ரேஷன் கடைகளுக்கு தேவையான கோதுமை, சர்க்கரை, அரிசி உள்ளிட்ட உணவு பொருட்களும், கோழிப்பண்ணைகளுக்கு தேவையான மக்காச்சோளம், தவிடு, புண்ணாக்கு, சோயா உள்ளிட்ட மூலப்பொருட்களும், வடமாநிலங்களில் இருந்து சரக்கு ரயில் மூலம் இறக்குமதி செய்யப்படுகிறது. அதன்படி, பஞ்சப் மாநிலத்தில் இருந்து, 42 வேகன்கள் கொண்ட சரக்கு ரயிலில், 2,600 டன் கோதுமை, நாமக்கல் ரயில்வே ஸ்டேஷனுக்கு நேற்று வந்தது. இங்கிருந்து, 150க்கும் மேற்பட்ட லாரிகளில் ஏற்றி, நல்லிப்பாளையத்தில் உள்ள தமிழ்நாடு உணவுப்பொருள் வாணிப கிடங்கிற்கு கொண்டு செல்லப்பட்டது. இங்கிருந்து ரேஷன் கடைகளுக்கு அனுப்பி வைக்கப்பட உள்ளது.