தமிழகத்தில், மாநில மரமான பனை மரத்தை அழியாமல் பாதுகாக்கவும், இளைஞர்களிடம் பனையின் சிறப்பை கொண்டு செல்லும் வகை-யிலும், சுற்றுச்சூழல் மற்றும் காலநிலை மாற்-றத்துறை, கிரீன் நீடா சுற்றுச்சூழல் அமைப்பு, தமிழ்நாடு தன்னார்வலர்கள் அமைப்பு, தமிழக பசுமை இயக்கம் சார்பில், ஒரு கோடி பனை விதைகளை நடவு செய்ய முடிவு செய்யப்பட்டுள்-ளது.

ராமேஸ்வரத்தில், தமிழக சுற்றுச்சூழல் மற்றும் காலநிலை மாற்றத்துறை அமைச்சர் மெய்ய-நாதன், இப்பணியை தொடங்கி வைத்தார். இதை-யொட்டி, 5 கட்டங்களாக பனை விதைகள் நடும் பணி ஒகேனக்கல் முதல், பூம்புகார் வரை தர்ம-புரி, ஈரோடு, சேலம், நாமக்கல், கரூர், திருச்சி, தஞ்சை, மயிலாடுதுறை உள்ளிட்ட, 8 மாவட்-டங்களில், காவிரிக்கரையின் இருபக்கங்களிலும், 416 கி.மீ., துாரத்திற்கு மேற்கொள்ள முடிவு செய்-யப்பட்டுள்ளது. நாமக்கல் மாவட்டத்தில் காவிரி கரையோரங்களிலும், நீர்நிலைகளிலும் பனை விதைகளை நடும் பணி, கடந்த, நவ., முதல் வாரத்தில் தொடங்கியது. அதில், மாணவர்கள், சமூக சேவகர்கள், தொண்டு நிறுவனங்கள், சுற்-றுச்சூழல் ஆர்வலர்கள் பங்கேற்று பனை விதை-களை நடவு செய்தனர்.இதுகுறித்து, அரசு அதிகாரிகள் சிலர் கூறியதா-வது:- ஒரு கோடி பனைவிதைகள் நடும் திட்-டத்தில், இதுவரை மொத்தமாக, 33 லட்சத்து, 73,138 விதைகள் நடவு செய்யப்பட்டுள்ளன. நாமக்கல் மாவட்டத்தை பொறுத்த வரையில், 5 லட்சத்து, 12,591 பனை விதைகள் இதுவரை நடவு செய்யப்பட்டுள்ளன. இதன் மூலம், மாநில அளவில், நாமக்கல் மாவட்டம் முதலிடம் பிடித்து சாதனை படைத்துள்ளது. மாவட்டத்தில், இப்பணியில், 3,101 தன்னார்வலர்கள் ஈடுபட்டுள்-ளனர்.மேலும், 4 லட்சத்து, 91,836 பனை விதைகள் நடவு செய்த விழுப்புரம் மாவட்டம், இரண்டாமிடம், 3 லட்சத்து, 42,735 பனைவிதைகள் நடவு செய்த சிவகங்கை மாவட்டம் மூன்றாமிடம் பிடித்துள்-ளன. செங்கல்பட்டு, சேலம், வேலுார் ஆகிய மாவட்டங்கள் முறையே, 4, 5, 6வது இடங்களை பிடித்துள்ளன.இவ்வாறு அவர்கள் கூறினர்.