நாமக்கல்-மோகனுார் சாலையில், ஐயப்பன் சுவாமி கோவில் அமைந்துள்ளது. இக்கோவிலில், 60ம் ஆண்டு விழா, வரும், 5ல் துவங்குகிறது. அன்று காலை, 10:00 மணிக்கு, ஏராளமான பக்-தர்கள், ஐயப்பன் கோவிலில் இருந்து பால்குடம் எடுத்துக்-கொண்டு, ஊர்வலமாக சென்று, நாமக்கல் பலபட்டரை மாரி-யம்மன் கோவிலை அடைகின்றனர். அங்கு, மாரியம்மனுக்கு பாலாபிஷேகம், சிறப்பு பூஜை நடக்கிறது. 7 காலை, 7:30 மணிக்கு, பால்குடம் எடுத்துக்கொண்டு பாத யாத்திரையாக செல்லும் பக்தர்கள், கூலிப்பட்டி பழனியாண்டவர் சுவாமிக்கு பாலாபிஷேகம் மற்றும் சிறப்பு பூஜை செய்கின்றனர்.வரும், 10 காலை, 9:00 மணிக்கு ஐயப்பன் சுவாமிக்கு சிறப்பு பூஜை, லட்சார்ச்சனை துவக்கம் நடக்கிறது. அன்று இரவு, 7:00 மணிக்கு, ஐயப்ப பக்தர்களின் இன்னிசை பக்தி பாடல் நிகழ்ச்சி நடக்கிறது. 11 காலை, 9:00 மணிக்கு லட்சார்ச்சனை தொடங்கி, 12ல், நிறைவு பெறுகிறது. அன்று மாலை, 5:30 மணிக்கு, துர்க்கை அம்மனுக்கு சகஸ்ர நாம அர்ச்சனை, 13ல், காலை, 7:45 முதல், மதியம், 1:00 மணி வரை, 108 வலம்புரி சங்காபிஷேகம், மகா அபிஷேகம், தீபாராதனை நடக்கிறது.

அன்று மாலை, 5:00 மணிக்கு, மின் விளக்குகளால் அலங்கரிக்-கப்பட்ட புஷ்ப ரதத்தில், சுவாமி எழுந்தருளி, நகரின் முக்கிய வீதிகள் வழியாக திருவீதி உலா வந்து பக்தர்களுக்கு அருள்பாலிக்-கின்றார். வரும், 14ல், நாமக்கல் கந்தசாமி கண்டர் பள்ளி வளா-கத்தில், அன்னதானம் வழங்கப்படுகிறது. தொடர்ந்து, டிச., 27 காலை, 7:00 முதல், 11:00 மணி வரை, பக்தர்கள் கொண்டு வரும் பசு நெய் மூலம், ஐயப்பனுக்கு நெய்யாபிஷேகம் நடக்கி-றது. ஏற்பாடுகளை, கோவில் அறங்காவலர்கள், அறக்கட்டளை உறுப்பினர்கள் செய்துள்ளனர்.