குமாரபாளையம்: குமாரபாளையம் அருகே, கல்லாங்காடு வலசு பகுதியில், முன்னாள் ஜனாதிபதி அப்துல்கலாம் பிறந்த நாள், 'விடியல் ஆரம்பம்' சார்பில் அமைப்பாளர் பிரகாஷ் தலைமையில் கொண்டாடப்பட்டது. அதில், அப்துல்கலாம் உருவ படத்திற்கு மாலை அணிவித்து மரியாதை செலுத்தப்பட்டது. தொடர்ந்து, பேச்சு, கட்டுரை போட்டி, யோகாசனம், நாடகம் நடத்தப்பட்டு, வெற்றி பெற்றவர்களுக்கு புத்தகங்கள் பரிசாக வழங்கப்பட்டது. அப்துல்கலாம் பிறந்தநாளில் தாய், தந்தையர் மற்றும் ஆசிரியர் சொல்படி நடப்போம் என மாணவ, மாணவியர்கள் உறுதிமொழி எடுத்துக்கொண்டனர்.