குமாரபாளையம்: குமாரபாளையம் அ.தி.மு.க., சார்பில், முன்னாள் முதல்வர் ஜெயலலிதா பிறந்தநாளையொட்டி பொதுக்கூட்டம் நடந்தது. நகர செயலாளர் பாலசுப்ரமணி தலைமை வகித்தார். முன்னாள் அமைச்சர்கள் தங்கமணி, வைகை செல்வன் பங்கேற்றனர். இதில், முன்னாள் அமைச்சர் வைகை செல்வன் பேசுகையில், ''தி.மு.க., அரசு நினைத்திருந்தால் கல்வியை, மாநில பட்டியலுக்கு கொண்டு வந்திருக்க முடியும். முன்னாள் முதல்வர் ஜெயலலிதா பல சாதனைகளை புரிந்துள்ளார். தற்போதைய முதல்வரின் சாதனையில் ஏதேனும் ஒன்றை கூற முடியுமா,'' என்றார்.