ப.வேலுார்:-ப.வேலுார் பள்ளி பிரதான சாலையில் உள்ள, எம்.ஜி.ஆர்., சிலை அருகே, அ.தி.மு.க., சார்பில் நீர் மோர் பந்தல் அமைக்கப்பட்டுள்ளது. இதன் திறப்பு விழா, நேற்று நடந்தது. பரமத்தி வேலுார் எம்.எல்.ஏ., சேகர், ப.வேலுார் நகர செயலாளர் பொன்னி வேலு ஆகியோர் தலைமை வகித்தனர். முன்னாள் அமைச்சர் தங்கமணி, நீர்மோர் பந்தலை திறந்து வைத்து, பொது மக்களுக்கு தர்பூசணி, வெள்ளரிக்காய் வழங்கினார். முன்னதாக எம்.ஜி.ஆர்., சிலைக்கு மாலை அணிவித்து, ப.வேலுார் நகர செயலாளர் பொன்னி வேலு மரியாதை செலுத்தினார்.