சேந்தமங்கலம்: சேந்தமங்கலம் அருகே, 1,000 ஆண்டு பழமைவாய்ந்த நைனாமலை வருதராஜ பெருமாள் கோவில் உள்ளது. இக்கோவில், 2,700 அடி உயரத்தில் உள்ளதால், 3,600 படிக்கட்டுகளில் சென்று பக்தர்கள் சுவாமி தரிசனம் செய்யும் நிலை உள்ளது. இதனால், கோவிலுக்கு செல்ல மலை உச்சி வரை சாலை அமைக்க வேண்டும் என, பல ஆண்டுகளாக கோரிக்கை விடுக்கப்பட்டு வந்தது. இதை தொடர்ந்து, சில ஆண்டுகளுக்கு முன் சுற்றுலாத்துறை மூலம் மண் சாலை அமைக்க, 13.06 கோடி ரூபாய் நிதி ஒதுக்கப்பட்டு பணி முடிந்துள்ளது. இந்நிலையில், நேற்று நடந்த அரசு விழாவில், மலைக்கு செல்ல தார்ச்சாலை அமைக்க நெடுஞ்சாலைத்துறை மூலம், 30 கோடி ரூபாய் நிதி ஒதுக்கீடு செய்து முதல்வர் ஸ்டாலின் அறிவித்தார்.