நாமகிரிப்பேட்டை: நாமகிரிப்பேட்டை அடுத்த மெட்டாலா கணவாயில், வரலாற்று சிறப்பு மிக்க ஆஞ்சநேயர் கோவில் உள்ளது. இக்கோவிலில் ஆண்டுதோறும் பங்குனி மாதம் கடைசி வாரம் தீமிதி விழா நடப்பது வழக்கம். சுற்று வட்டார பகுதியில் இருந்து ஏராளமான பக்தர்கள் இவ்விழாவில் கலந்து கொண்டு ஆஞ்சநேயரை தரிசனம் செய்வர். இந்தாண்டு விழா, நேற்று பந்தல் சேர்வையுடன் தொடங்கியது. நாமகிரிப்பேட்டை அரசு மருத்துவமனை அருகே அமைக்கப்பட்டுள்ள பந்தலில் ஆஞ்சநேயர் உற்சவர் சிலை, நேற்று மதியம் கொண்டு வந்து அமர்த்தப்பட்டது.