பள்ளிப்பாளையம்:பள்ளிப்பாளையம் அருகே, எஸ்.பி.பீ., காலனி பஸ் ஸ்டாப்பில் இருக்கை வசதியுடன் கூடிய நிழற்கூடம் அமைக்கப்பட்டுள்ளது. இந்த நிழற்கூடத்தில், இரவு, பகல் பாராமல், 'குடி'மகன்கள் அட்டகாசம் அதிகரித்து வருகிறது. அங்கேயே அமர்ந்து மது அருந்துவது, அசைவ உணவுகளை சாப்பிட்டுவிட்டு கழிவுகளை வீசுவது, மது பாட்டில்களை உடைப்பது என, தொல்லை தருகின்றனர். மேலும், போதை தலைக்கேறிய நிலையில், நிழற்கூட இருக்கையில் அறைகுறை ஆடையுடன், 'ஹாயாக' குறட்டைவிட்டு துாங்குகின்றனர். சில நேரங்களில், சிறுநீர் கழித்தபடி சுயநினைவின்றி படுத்துக்கிடக்கின்றனர்.