ப.வேலுாரில் செயல்பட்டு வரும் மின்னணு தேசிய வேளாண்மை சந்தையில், வாரந்தோறும் செவ்வாய் கிழமை தேங்காய் ஏலம் நடப்பது வழக்கம். தேசிய வேளாண்மை சந்தைக்கு ப.வேலுார், மோகனுார், பொத்தனுார், பாண்டமங்கலம், வெங்கரை, கபிலர்மலை ஆகிய பகுதிகளில் இருந்து விவசாயிகள் தேங்காய்களை கொண்டு வருகின்றனர்.

அதேபோல், உள்ளூர் வியாபாரிகள் மட்டுமின்றி வெளி மாவட்ட வியாபாரிகளும் வருகின்றனர். நேற்று நடந்த ஏலத்திற்கு, 4,500 தேங்காய்களை விவசாயிகள் கொண்டு வந்தனர். கடந்த வாரம் நடைபெற்ற ஏலத்தில் அதிகபட்சம் கிலோ, 56.10 ரூபாய்; குறைந்தபட்சம், 27.29 ரூபாய்; சராசரியாக, 38.20 ரூபாய் என, மொத்தம், 72 ஆயிரம் ரூபாயிக்கு வர்த்தகம் நடந்தது.

நேற்று நடந்த ஏலத்தில் அதிகபட்சமாக கிலோ ஒன்று 55.10 க்கும், குறைந்தபட்சமாக 29.29 ரூபாய்க்கும், சராசரியாக 39.99 ரூபாய்க்கும் ஏலம் போனது. மொத்தம் ரூ. 74 ஆயிரத்துக்கு வர்த்தகம் நடந்தது.