இதில் அதே பகுதியை சேர்ந்த இரண்டு சிறுவர்கள், மனோவை டூவீலரில் அழைத்து செல்வது பதிவாகி இருந்தது.அவர்களை பிடிக்க, ஏ.எஸ்.பி., ஆகாஷ் ஜோஷி தலைமையில், மூன்று தனிப்படை அமைக்கப்பட்டது. அவர்களை தேடி வந்த போலீசார், நேற்று முன்தினம் மாலை இருவரையும் கைது செய்து விசாரணை நடத்தினர். சிறுவர்களில் ஒருவரின், 15 வயது தங்கையை மனோ கேலி, கிண்டல் செய்துள்ளார். இது தொடர்பாக முன்விரோதம் இருந்துள்ளது. இதனால் மனோவை நைசாக பேசி அழைத்து சென்று கழுத்தை அறுத்து கொலை செய்து தப்பி சென்றது தெரியவந்தது.

இந்நிலையில், கொலை செய்து தலைமறைவான இருவரையும் தப்பிக்க உதவி செய்த, இரண்டு சிறுவர்களை போலீசார் நேற்று கைது செய்தனர். அதன் மூலம், முன் விரோதம் காரணமாக கல்லுாரி மாணவர் கொலை செய்த வழக்கில், நான்கு சிறுவர்கள் கைது செய்யப்பட்டுள்ளது குறிப்பிடத்தக்கது.