எலச்சிபாளையம்:எலச்சிபாளையம் பி.டி.ஓ., அலுவலகம் முன், மா.கம்யூ., முன்னாள் ஒன்றிய கவுன்சிலர் சுரேஷ் தலைமையில், நேற்று ஆர்ப்பாட்டம் நடந்தது. மத்தியக்குழு உறுப்பினர் பாலபாரதி கோரிக்கைகளை விளக்கி பேசினார். அதில், தேசிய ஊரக வேலைவாய்ப்பு திட்டத்தில் பணிபுரியும் தொழிலாளர்களுக்கு, கடந்த, மூன்று மாதமாக சம்பளம் வழங்காமல் நிலுவையில் உள்ளது. இந்தாண்டிற்கு, நுாறு நாட்கள் முழுவதுமாக வேலை வழங்க வேண்டும் என்பன உள்ளிட்ட பல்வேறு கோரிக்கைகளை வலியுறுத்தினர்.