ராசிபுரம் அரசு மருத்துவமனையில் உள்ள, 108 அவசர கால ஆம்புலன்சுக்கு போன் செய்தால் டிரைவர்கள் பிரைவேட் ஆம்புலன்சுக்கு தெரிவித்து விடுவதாக தொடர்ந்து புகார் வருகின்றன. நேற்று முன்தினம் இரவு, 3:30 மணிக்கு, ராசிபுரம் அருகே, விபத்தில் சிக்கிய நவீன், 108 அவசர கால ஆம்புலன்சுக்கு போன் செய்துள்ளார். அதை எடுத்த நர்சுகள், '108 அவசர கால ஆம்புலன்ஸ் வராது என்றும்; தனியார் ஆம்புலன்சை குறிப்பிட்டு போன் செய்யுங்கள்' எனக்கூறியதாக கூறப்படுகிறது. இதை கண்டித்து, பா.ஜ., மாநில துணைத்தலைவர் ராமலிங்கம் பேட்டியளித்திருந்தார். இந்நிலையில், பா.ஜ., மாவட்ட செயலாளர் சேதுராமன் உள்ளிட்ட நிர்வாகிகள் மருத்துவமனை எம்.ஓ.,விடம் புகாரளித்தனர்.