நாமக்கல் வேளாண் உற்பத்தியாளர்கள் கூட்டுறவு விற்பனை சங்க வளாகத்தில், வாரந்தோறும் செவ்வாய் கிழமை பருத்தி ஏலம் நடக்கிறது. அதன்படி நேற்று நடந்த பருத்தி ஏலத்தில், பல்வேறு மாவட்டங்களை சேர்ந்த விவசாயிகள், 2,450 பருத்தி மூட்டைகளை விற்பனைக்கு கொண்டு வந்தனர். இதில், ஆர்.சி.எச்., ரக பருத்தி குவிண்டால், 5,499 ரூபாய் முதல், 8,001 ரூபாய்; டி.சி.எச்., ரகம், 7,850 ரூபாய் முதல், 8,600 ரூபாய்; கொட்டு மட்ட ரகம், 4,703 ரூபாய் முதல், 7,009 ரூபாய் என, மொத்தம், 58 லட்சம் ரூபாய்க்கு பருத்தி விற்பனையானது.