நாமக்கல் -- திருச்செங்கோடு சாலையில், வேளாண் உற்பத்தியாளர்கள் கூட்டுறவு விற்பனை சங்கம் செயல்பட்டு வருகிறது. இங்கு, நேற்று பருத்தி ஏலம் நடந்தது. நாமக்கல் உள்ளிட்ட பல்வேறு பகுதிகளை சேர்ந்த விவசாயிகள், 650 மூட்டை பருத்தியை விற்பனைக்கு கொண்டு வந்திருந்தனர். இதில், ஆர்.சி.ஹெச்., ரக பருத்தி குவிண்டால், 7,119 ரூபாய் முதல், 7,590 ரூபாய்; கொட்டு மட்ட ரகம், 4,129 ரூபாய் முதல், 4,335 ரூபாய் என, மொத்தம், 18 லட்சம் ரூபாய்க்கு பருத்தி விற்பனையானது.