பருத்தி வர்த்தகம்

ஆத்துார், நவ. 26--

ஆத்துார் வேளாண் கூட்டுறவு சங்கத்தில், நான்கு லட்சம் ரூபாய்க்கு பருத்தி வர்த்தகம் நடந்தது.

சேலம் மாவட்டம், ஆத்துார், புதுப்பேட்டை வேளாண் கூட்டுறவு விற்பனை சங்கத்தில், வாரந்தோறும் பருத்தி, மஞ்சள் ஏலம் நடந்து வருகிறது. நேற்று நடந்த பருத்தி ஏலத்திற்கு ஆத்துார், கெங்கவல்லி பகுதி மட்டுமின்றி, கள்ளக்குறிச்சி, சின்னசேலம், பெரம்பலுார் பகுதி விவசாயிகள், 102.29 குவிண்டால் பருத்தி விற்பனைக்கு கொண்டு வந்தனர். இதில், பி.டி., ரகம் குவிண்டால், 6,589 முதல், 7,299 ரூபாய்; டி.சி.ெஹச்., ரகம் குவிண்டால், 7,359 முதல், 9,569 ரூபாய்; கொட்டு பருத்தி குவிண்டால், 3,489 முதல், 4,699 ரூபாய்க்கு விற்பனையானது. 102.29 குவிண்டால் பருத்தி, நான்கு லட்சம் ரூபாய்க்கு வர்த்தகம் நடந்தது