இந்த சாலையில் தினசரி ஏராளமான வாகனங்கள் கடந்து செல்கின்றன. மேலும், கோம்பைக்காடு, அண்ணாமலைப்பட்டி போன்ற பகுதியில் இருந்து அலவாய்ப்பட்டி அரசு ஆண்கள், பெண்கள் மேல்நிலைப்பள்ளியில் படிக்கும் மாணவ,- மாணவியர் இந்த சாலை வழியாக தினசரி பள்ளிக்கு சென்று வருகின்றனர்.இந்த சாலை, 15 ஆண்டுகளுக்கு முன் போடப்பட்டது. தற்போது ஜல்லி பெயர்ந்து, குண்டும், குழியுமாக காணப்படுகிறது. தற்போது கோடை விடுமுறை விடப்பட்டுள்ளதால், சாலையில் போக்குவரத்து சற்று குறைவாக உள்ளது. எனவே, சேதமடைந்துள்ள சாலையை விடுமுறை முடிவதற்கு முன் சீரமைக்க நடவடிக்கை எடுக்க வேண்டும் என, அப்பகுதி மக்கள் கோரிக்கைவிடுத்துள்ளனர்.