ராசிபுரம்: ராசிபுரம் அடுத்த வடுகம் ஊராட்சியில், ஆதிதிராவிடர் காலனியில் அடிப்படை வசதிகள் எதுவும் சரியாக செய்யவில்லை என, கூறப்படுகிறது. மேலும், இப்பகுதியில் உள்ள பொது கழிப்பிடத்திற்கு போதுமான தண்ணீர் வினியோகிப்பது இல்லை. இதனால், அடிக்கடி மூடி விடுகின்றனர். இதனால், அப்பகுதி மக்கள் மிகவும் சிரமப்படுகின்றனர். அதேபோல், இப்பகுதியில் உள்ள, 150 குடும்பங்களுக்கு குடிநீர் இணைப்பு வழங்கும்போது தரம் குறைந்த பி.வி.சி., பைப்புகளை பொருத்தியுள்ளனர். 15க்கும் மேற்பட்ட தெருவிளக்குகள் எரிவதில்லை, பல தெருக்களுக்கு சாக்கடை வசதி இல்லை.