நாமக்கல், தமிழகத்தில், விவசாயிகளுக்கு பயிர் கடன் உச்சவரம்பை, 5 லட்சம் ரூபாயாக உயர்த்த வேண்டும்.இது குறித்து, உழவர் பெருந்தலைவர் நாராயணசாமி நாயுடுவின், தமிழக விவசாயிகள் சங்க மாநில தலைவர் வேலுசாமி வெளியிட்டுள்ள அறிக்கை: மேட்டூர் அணையில் இருந்து, ஜூன் 12ம் தேதி டெல்டா பாசன குறுவை சாகுபடிக்காக, தமிழக முதல்வர் உரிய நேரத்தில், நேரில் வந்து தண்ணீர் திறந்து வைத்தார். இதை விவசாயிகள் சங்கம் வரவேற்கிறது. காவிரி டெல்டா பாசனத்திற்கு தேவையான காவிரி நீரை, தினந்தோறும் விகிதாச்சார அடிப்படையில், கர்நாடக அரசிடம், கூட்டணி பாரபட்சம் பார்க்காமல், தமிழகத்தில் உண்டான உரிமை நீரை பெற்றுத்தர முதல்வர் நடவடிக்கை எடுக்க வேண்டும்.