பார்லி., கூட்டத்தொடரில், அம்பேத்கர் குறித்து விமர்சனம் செய்த மத்திய அமைச்சர் அமித் ஷாவை கண்டித்து, நாமக்கல்லில் கிழக்கு மாவட்ட தி.மு.க., சார்பில் ஆர்ப்பாட்டம் நடந்தது.

நாமக்கல் அண்ணாதுரை சிலை அருகில் நடந்த ஆர்ப்பாட்டத்துக்கு மாவட்ட அவைத்

தலைவர் மணிமாறன் தலைமை வகித்தார்.

*ப.வேலுாரில் நடந்த ஆர்ப்பாட்டத்துக்கு, பரமத்தி ஒன்றிய செயலாளர் தன்ராஜ், நகர துணைச்செயலாளர் செந்தில்நாதன் தலைமை தாங்கினர்.

* நாமக்கல் பூங்கா சாலையில் அகிம்சா சோசியலிஸ்ட் கட்சி சார்பில் நடந்த ஆர்ப்பாட்டத்திற்கு அதன் நிறுவனத் தலைவர் காந்தியவாதி ரமேஷ் தலைமை வகித்தார்.

* நாமக்கல் கிழக்கு மாவட்ட காங்., சார்பில், நாமக்கல் பூங்கா சாலையில் நடந்த ஆர்ப்பாட்டத்துக்கு கிழக்கு மாவட்ட தலைவர் சித்திக் தலைமை வகித்தார்.

* ராசிபுரம் தி.மு.க., சார்பில் அம்பேத்கர் சிலை முன் நடந்த ஆர்ப்பாட்டத்தில், நகர செயலாளர் சங்கர் தலைமை வகித்தார்.

* ராசிபுரம் தபால் நிலையம் முன்பு நாமக்கல் கிழக்கு மாவட்ட வி.சி.க., சார்பில் நடந்த ஆர்ப்பாட்டத்துக்கு மாவட்ட செயலாளர் அர்ஜுன் தலைமை வகித்தார்.

* திருச்செங்கோட்டில் நாமக்கல் மேற்கு மாவட்ட தி.மு.க., சார்பில் அண்ணாதுரை சிலை அருகே நடந்த ஆர்ப்பாட்டத்துக்கு மேற்கு மாவட்ட தி.மு.க., செயலாளர் மதுராசெந்தில் தலைமை வகித்தார்.

* நாமக்கல் மேற்கு மாவட்ட விடுதலை சிறுத்தைகள் கட்சி சார்பில் நடந்த ஆர்ப்பாட்டத்துக்கு மேற்கு மாவட்ட செயலாளர் முகிலன் தலைமை வகித்தார்.