நாமக்கல்லில், தேசிய முட்டை ஒருங்கிணைப்புக்குழு கூட்டம் நேற்று நடந்தது. அதில், முட்டை உற்பத்தி, மார்க்கெட்டிங் நிலவரம் குறித்து பண்ணையாளர்கள் விவாதித்தனர். இதையடுத்து, 450 காசுக்கு விற்ற முட்டை விலை, 30 காசு குறைத்து, 420 காசாக நிர்ணயம் செய்யப்பட்டது. இரண்டு நாட்களில், 60 காசு குறைந்துள்ள நிலையில், மேலும் குறைய வாய்ப்பு உள்ளதால், பண்ணையாளர்கள் கவலையடைந்துள்ளனர். நாட்டின் பிற மண்டல முட்டை விலை(காசுகளில்) நிலவரம்: சென்னை, 490, ஐதராபாத், 425, விஜயவாடா, 475, பர்வாலா, 405, மும்பை, 475, மைசூரு, 490, பெங்களூரு, 495, கோல்கட்டா, 510, டில்லி, 423 என, நிர்ணயம் செய்யப்பட்டுள்ளது.

இதேபோல், நாமக்கல்லில் நடந்த பண்ணையாளர்கள், வியாபாரிகள் ஒருங்கிணைப்புக்குழு கூட்டத்தில், ஒரு கிலோ

முட்டைக்கோழி, 87 ரூபாய்; பல்லடத்தில் நடந்த கூட்டத்தில், ஒரு கிலோ கறிக்கோழி, 110 ரூபாய் என, விலை

நிர்ணயம் செய்யப்பட்டது.