நாமக்கல் மாவட்டத்தில், மின் நுகர்வோர் மற்றும் பொதுமக்களின் மின் வினியோகம் சம்பந்தமான குறைகளை நேரில் கேட்டறிந்து தீர்வுகாண, ஒவ்வொரு மாதமும் நுகர்வோர் குறைதீர் கூட்டம் நடத்தப்பட்டு வருகிறது.

நவ., மாதத்திற்கான மின் நுகர்வோர் குறைதீர் கூட்டம், வரும், 5 காலை, 11:00 மணிக்கு நாமக்கல் செயற்பொறியாளர் அலுவலகத்தில் நடக்கிறது. 12 காலை, 11:00 மணிக்கு, ப.வேலுார் செயற்பொறியாளர் அலுவலகத்திலும், 15 காலை, 11:00 மணிக்கு, பள்ளிப்பாளையம் செயற்பொறியாளர் அலுவலகத்திலும், 19 காலை, 11:00 மணிக்கு திருச்செங்கோடு செயற்பொறியாளர் அலுவலகத்திலும், 26 காலை, 11:00 மணிக்கு ராசிபுரம் செயற்பொறியாளர் அலுவலகத்திலும் மின் நுகர்வோர் குறைதீர் கூட்டம் நடக்க உள்ளது.

மின்வினியோகம் சம்பந்தமான குறைகளை தெரிவிக்க விரும்பும் பொதுமக்கள், முகாமில் நேரடியாக கலந்துகொண்டு, மேற்பார்வை பொறியாளரிடம் தங்களது கோரிக்கை மனுக்களை அளித்து பயன்பெறலாம்.

இவ்வாறு அதில் தெரிவிக்கப்பட்டுள்ளது.