அண்ணா பல்கலை கீழ் இயங்கும் இன்ஜினியரிங் கல்லுாரிகளில் சேர்வதற்கான, இரண்டாவது சுற்று கலந்தாய்வு, 26ம் தேதி துவங்கி, இன்றுடன் முடிகிறது. இதில், 178.965 முதல் 143.085 வரை, 'கட்-ஆப்' மதிப்பெண்கள் எடுத்து, தரவரிசை பட்டியலில், 39,146 முதல் 1 லட்சத்து, 37,710 வரை பிடித்த, 98,565 மாணவர்கள் பங்கேற்றனர்.

பொதுப்பிரிவு மற்றும் அரசு பள்ளி மாணவர்களுக்கான சிறப்பு ஒதுக்கீடு ஆகியவற்றுடன் சேர்த்து, 80,650 மாணவர்களுக்கு, இரண்டாம் சுற்றில், தற்காலிக ஒதுக்கீடுகள் வழங்கப்பட்டன.

தற்காலிக ஒதுக்கீடு செய்யப்பட்டவர்கள், இன்று மாலை 5:00 மணிக்குள் தாங்கள் தேர்ந்தெடுத்த கல்லுாரியை இறுதி செய்ய வேண்டும். அவ்வாறு செய்யாவிட்டால், நாளை காலை 10:00 மணிக்கு ஒதுக்கீடு ரத்தாகும்.