ராசிபுரம்:ராசிபுரம் நகராட்சியை ஒட்டியே கோனேரிப்பட்டி ஏரி உள்ளது. பட்டணம், வடுகம், போதமலை உள்ளிட்ட பகுதிகளில் இருந்து வரும் மழைநீர், 50 ஏக்கர் பரப்பளவில் உள்ள கோனேரிப்பட்டி ஏரியில் தேங்கி நிற்கும். இதன் மூலம் சுற்று பகுதியில் உள்ள விவசாய நிலங்கள் மட்டுமின்றி நகர் பகுதி மக்களுக்கும் நிலத்தடி நீர்மட்டம் உயர, இந்த ஏரி காரணமாக உள்ளது. ஏரியில் முள் மரங்கள் அதிகளவு வளர்ந்துள்ளன. கடந்த கொரோனா காலத்தில் இந்த மரங்களை வெட்டி எடுத்து சுத்தம் செய்தனர்.