நாமக்கல்,: தமிழக முன்னாள் முதல்வர் அண்ணாதுரை பிறந்த நாளை முன்னிட்டு, தமிழ்நாடு விளையாட்டு மேம்பாட்டு ஆணையம் சார்பில், சைக்கிள் போட்டி, நாமக்கல்லில் நேற்று நடந்தது. கலெக்டர் உமா தலைமை வகித்தார். மாநகராட்சி மேயர் கலாநிதி முன்னிலை வகித்தார். எம்.பி., ராஜேஸ்குமார் போட்டியை துவக்கி வைத்தார். 13, 15, 17 வயது என, மூன்று பிரிவுகளில் போட்டி நடத்தப்பட்டது. அதில், 13 வயதிற்குட்பட்ட மாணவருக்கு, 15 கி.மீ., துாரம், மாணவியருக்கு, 10 கி.மீ., துாரம், 15 வயதிற்குட்பட்ட மாணவருக்கு, 20 கி.மீ., துாரம், மாணவியருக்கு, 15 கி.மீ., துாரம், 17 வயதிற்குட்பட்ட மாணவருக்கு, 20 கி.மீ., துாரம், மாணவியருக்கு, 15 கி.மீ., துாரம் என, தனித்தனியாக போட்டி நடத்தப்பட்டது.