ப.வேலுார்: ப.வேலுார் அரிமா சங்க சார்பில், பள்ளி சாலையில் உள்ள அரிமா சங்க வளாகத்தில் இலவச கண் சிகிச்சை முகாம் நேற்று நடந்தது. முகாமில், கண் சம்பந்தப்பட்ட அனைத்து நோய்களுக்கும் இலவசமாக பரிசோதனை நடந்தது. கண்புரை உள்ள நோயாளிகளுக்கு சிகிச்சை அளிக்க, 148 பேர், சேலம் அரவிந்த் கண் மருத்துவமனைக்கு அழைத்து சென்றனர். புற நோயாளியாக, 338 பேர் சிகிச்சை பெற்றனர். ப.வேலுார் அரிமா சங்க தலைவர் அருண்குமார், செயலாளர் அரசகுமார், சதீஷ்குமார், பொருளாளர் கிஷோர் உள்பட கலந்துகொண்டனர்.