தற்போது, தொழிற்சாலைகள், மருத்துவத்துறை, விவசாயம் போன்றவற்றில் ரோபோக்கள் ஆதிக்கம் செலுத்தி வருகின்றன. செயற்கை நுண்ணறிவும் இன்றைய காலகட்டத்தில் மிகப்பெரிய அளவில் மனித வாழ்வில் மாற்றங்களையும், முன்னேற்றங்க-ளையும் உருவாக்கி வருகின்றன. ரோபோக்களை இன்ஜினியர்கள் மட்டுமே உருவாக்க முடியும் என்ற நிலையை மாற்றி, ஆசிரியர்க-ளாலும் ரோபோக்களை உருவாக்க முடியும் என்பதை நிரூபிக்கும் வகையில், இப்பயிற்சி முகாம் நடத்தப்படுகிறது.

இவ்வாறு அவர் பேசினார்.

தொடர்ந்து, ரோபோக்களை சிக்னல் கொடுத்து மோட்டார்களை இயக்குதல், சென்சார்களை பயன்படுத்துதல், கட்டளையிடும் சர்க்யூட்களை பயன்படுத்துதல், என்னென்ன வேலைகளுக்கு ரோபோக்களை வடிவமைக்கலாம் என்பது உள்பட, 12 செயல்-முறை பயிற்சிகள் அளிக்கப்பட்டன. 'பள்ளிகளுக்கு ரோபோ கிட்-டுகள் தேவைப்பட்டால், மாவட்ட ஆசிரியர் கல்வி மற்றும் பயிற்சி நிறுவனம் வழியாக வழங்க நடவடிக்கை எடுக்கப்படும்' என, நாமக்கல் பவுல்டரி டவுன் ரோட்டரி சங்க தலைவர் பிரபா-கரன் கூறினார். பேராசிரியர்கள், ஆசிரியர்கள், ரோட்டரி சங்க நிர்-வாகிகள் சண்முகம், கருணாகர பன்னீர் செல்வம் உள்பட பலர் பங்கேற்றனர்.