பட்டம் மற்றும் பட்டயப்படித்தவர்களுக்கு, திருமண நிதி உதவியாக, 25 ஆயிரம் ரூபாயில் இருந்து, 50 ஆயிரம் ரூபாயாக உயர்த்தி வழங்கப்படுகிறது. ஏழை மக்களின் வாழ்வு வளம்பெற, அரசின் சார்பில் பல்வேறு நலத்திட்டங்கள் செயல்படுத்தப்பட்டு வருகிறது. பெற்றவர்களுக்கு சுமை இருக்கக் கூடாது என்பதற்காக பள்ளி மாணவ, மாணவியருக்கும் பல்வேறு உதவிகள் வழங்கப்படுகிறது.இலவசம் என்றால், அதை வாங்குவோரிடம் தாழ்வுமனப்பான்மை ஏற்படும் என்ற காரணத்தினால், அரசின் சார்பில் வழங்கப்படும் பொருட்கள் அனைத்துக்கும் விலையில்லா பொருட்கள் என, பெயரிடப்பட்டு வழங்கப்படுகிறது.

இவ்வாறு அவர் பேசினார்.துணை சபாநாயகர் தனபால் பேசும்போது,''கிராமத்தில், வறுமை காரணமாக திருமணம் தள்ளிப்போகும் நிலை இருந்து வந்தது. தமிழக முதல்வரின் திருமண நிதி உதவி திட்டம் மற்றும் திருமாங்கல்யத்துக்கு நான்கு கிராம் தங்கம் வழங்கும் திட்டத்தின் மூலம் இனி அத்தகைய நிலை இருக்காது. திருமாங்கல்யத்துக்கு தங்கம் வழங்கும் திட்டம் எந்த நாட்டிலும் செயல்படுத்தப்படவில்லை. ஏழை, எளிய மக்களின் முன்னேற்றத்துக்கு, அரசு பல்வேறு சிறப்பு திட்டங்களை செயல்படுத்தி வருகிறது,'' என்றார்.விழாவை முன்னிட்டு, திருமண நிதியுதவி திட்டத்தின் கீழ் பட்டம் மற்றும் பட்டயப்படிப்பு படித்த, 103 பேருக்கு தலா, 50 ஆயிரம் ரூபாய் வீதம், 51.50 லட்சம் ரூபாய்க்கான காசோலை, தலா நான்கு கிராம் தங்கம் வீதம், 412 கிராம் தங்கம், எஸ்.எஸ்.எல்.ஸி., ப்ளஸ் 2 படித்த, 147 பேருக்கு தலா, 25 ஆயிரம் ரூபாய் வீதம், 36.75 லட்சம் ரூபாய்க்கான காசோலை வழங்கப்பட்டது.மேலும், டாம்கோ திட்டத்தின் கீழ் ஆறு மகளிர் குழுக்களை சேர்ந்த, 72 பேருக்கு, 19.50 லட்சம் ரூபாய் கடனுதவி தொகையும், கல்லூரியில் படிக்கும், 15 மாணவ, மாணவியருக்கு, 27.30 லட்சம் ரூபாய் கல்விக்கடன் பெறுவதற்கான ஆணையும் வழங்கப்பட்டது.

நிகழ்ச்சியில், அரசு அதிகாரிகள், உள்ளாட்சி பிரதிநிதிகள் உள்பட பலர் பங்கேற்றனர்.