நாமக்கல்: ''விரிவுபடுத்தப்பட்ட அன்னதான திட்டத்துக்காக, எட்டு கோடி ரூபாய் நிதி ஒதுக்கீடு செய்யப்பட்டுள்ளது,'' என, வருவாய்த்துறை அமைச்சர் தங்கமணி கூறினார்.நாமக்கல் அடுத்த குமாரபாளையம் காளியம்மன் கோவிலில், விரிவுபடுத்தப்பட்ட அன்னதான திட்டம் துவக்க விழா நடந்தது.அத்திட்டத்தை வருவாய்த்துறை அமைச்சர் தங்கமணி துவக்கி வைத்து பேசியதாவது:தமிழக முதல்வரால், கடந்த, 2002 மார்ச் 23ம் தேதி தமிழகம் முழுவதம், 361 கோவில்களில் அன்னதானம் திட்ட துவங்கப்பட்டது. தற்போது, இத்திட்டம் சிறப்பான முறையில் செயல்படுத்தப்பட்டுள்ளது. இத்திட்டத்தை மேலும், 106 கோவில்களில் விரிவுப்படுத்த தமிழக முதல்வர் உத்தரவிட்டுள்ளார்.இத்திட்டத்துக்கு கூடுதலாக எட்டு கோடி ரூபாய் நிதி ஒதுக்கீடு செய்யப்பட்டுள்ளது. நாமக்கல் மாவட்டத்தில், திருச்செங்கோடு அர்த்தநாரீஸ்வரர், கைலாசநாதர், நாமக்கல் நரசிம்மர் ஸ்வாமி, காளிப்பட்டி கந்தசாமி, அத்தனூர் அம்மன், ராசிபுரம் மாரியம்மன், செல்லாண்டியம்மன், மோகனூர் நவலடியான் ஆகிய கோவில்களில் அன்னதான திட்டம் சிறப்பான முறையில் செயல்படுத்தப்பட்டு வருகிறது.