ராசிபுரம்: பட்டணம் டவுன் பஞ்சாயத்து வார்டு கவுன்சிலர் பதவிக்கு, எவ்வித போட்டியும் இன்றி இரண்டு லட்சம் ரூபாய்க்கு ஒப்பந்தம் போடப்பட்டு, பத்திரம் எழுதித்தரப்பட்டுள்ளது.ராசிபுரம் அடுத்த பட்டணம் டவுன் பஞ்சாயத்தில், 15 வார்டுகள் உள்ளன. தற்போது, டவுன் பஞ்சாயத்து சேர்மனாக அ.தி.மு.க.,வை சேர்ந்த வேலப்பன் பொறுப்பு வகித்து வருகிறார். இப்பஞ்சாயத்தின், 11வது வார்டு தாழ்த்தப்பட்ட பெண் உறுப்பினர் வார்டாக ஒதுக்கப்பட்டுள்ளது.இந்த வார்டுக்கு, பட்டணம் டவுன் பஞ்சாயத்து தே.மு.தி.க., நகர செயலாளர் குழந்தைவேலின் மனைவி ஜீவாவை போட்டியின்றி தேர்வு செய்ய ஏற்பாடு செய்யப்பட்டது.