கல்லுாரியில் 14ம் பட்டமளிப்பு விழா

நாமக்கல், அக். 1-

நாமக்கல் செல்வம் தொழில்நுட்ப கல்லுாரியில், 14ம் பட்டமளிப்பு விழா நடந்தது. செல்வம் கல்வி நிறுவனங்களின் தலைவரும், நிர்வாக இயக்குனருமான செல்வராஜ் தலைமை வகித்தார்.

அறங்காவலர் ஜெயம் செல்வராஜ், துணைத்தலைவர் பாபு, செயலாளர் கவித்ரா நந்தினி, கல்லுாரி செயல் இயக்குனர் கார்த்திக், கல்லுாரி முதல்வர் ஜெகன் ஆகியோர் கலந்து கொண்டனர். கொடைக்கானல் அன்னை தெரசா பல்கலை துணைவேந்தர் கலா, இளநிலை பட்டம், 151 பேருக்கும், முதுநிலை பட்டம், 47 பேருக்கும் வழங்கி பாராட்டினார்.

தொடர்ந்து, ''இன்றைய நவீன உலகத்தில் வாழ்வதற்கு வேண்டிய கற்றலின் முக்கியத்துவத்தையும், எதிர்காலத்தை வடிவமைப்பதில் தொழில்நுட்பத்தின் பங்களிப்பு மிகச் சிறந்தது,'' என பேசினார். பல்வேறு துறை தலைவர்கள், கல்வி ஒருங்கிணைப்பாளர்கள், பேராசிரியர்கள், பெற்றோர், மாணவ, மாணவியர் கலந்துகொண்டனர்.