நாமக்கல் நகரின் மையப்பகுதியில், பிரசித்தி பெற்ற நரசிம்ம சுவாமி கோவில் அமைந்துள்ளது. இக்கோவிலுக்கு பல்வேறு பகுதியில் இருந்து பக்தர்கள் வந்து செல்கின்றனர்.வைகாசி விசாகத்தில், நரசிம்மர் ஜெயந்தியை முன்னிட்டு சுவாமிக்கு தைலக்காப்பு சாத்துப்படி செய்யப்பட்டது. இதனால், காலை, 10:00 மணி முதல் மாலை, 6:30 மணி வரை நரசிம்மர் கோவிலில் மூலவர் நடை அடைக்கப்பட்டது. இதன் காரணமாக, பக்தர்கள் சன்னதிகளில் வழிபாடு செய்தனர். மாலை, 6:30 மணிக்கு மேல் நடை திறக்கப்பட்டு வழக்கம்போல் சுவாமி தரிசனத்துக்கு அனுமதிக்கப்பட்டனர்.