மேலும், திருப்பத்துார், கிருஷ்ணகிரி, தர்மபுரி, நாமக்கல், கரூர் மாவட்டங்களில் கனமழை பெய்ய வாய்ப்பு உள்ளதாக, சென்னை வானிலை மையம் எச்சரித்துள்ளது. அதன்படி, நாமக்கல் நகரில், நேற்று அதிகாலை முதல் துாறல் மழை பெய்ய துவங்கியது. இந்த மழை நாள் முழுவதும் நீடித்தது.அதன் காரணமாக, மக்களின் இயல்பு வாழ்க்கை வெகுவாக பாதித்தது. வேலைக்கு சென்ற அரசு மற்றும் தனியார் நிறுவன அலுவலர்கள், பணியாளர்கள், 'ரெயின் கோட்' அணிந்தும், மழையில் நனைந்தபடியும் செல்வதை காணமுடிந்தது. நாமக்கல் நகரம், பழைய பஸ் ஸ்டாண்ட் பகுதியில், பொதுமக்கள் குடையை பிடித்துக்கொண்டு, தாங்கள் செல்ல வேண்டிய இடத்-துக்கு சென்று வந்தனர். துாறல் மழையால், வாகன ஓட்டிகள் ஊர்ந்து செல்லும் நிலைக்கு தள்ளப்பட்டனர். குறிப்பாக, மோகனுார் சாலை வெறிச்சோடி காணப்பட்டது.

அதேபோல், மோகனுார் பகுதியில், அதிகாலை முதல் துாறல் மழை பெய்தது. நகரின் பல்வேறு இடங்களில் மழையால், மக்கள் வெளியே வராமல் வீட்டுக்குள் முடங்கினர். நாள் முழு-வதும் குளிர்ச்சியான சீதோஷண நிலை காணப்பட்டதால், மக்கள் மகிழ்ச்சியடைந்தனர்.